Fruitful 2012

2012好不可思議。

工作方面新嘅一頁。其實我MBA較差嘅係Marketing，Sales & Selling都唔係好得去邊，所以實戰係兇多吉少。忙咗一年，得到好少，但都學到啲嘢。唯一值得驕傲嘅係三個月一個brand加廿一隻新products，學識supply chain係由sales開始。

讀書方面真係險。又歷史重演，focus怕死嗰科，結果忽略坐定粒六嗰科。係pass但係第一次考試攞D，嗰科係Corporate Finance。

生活節奏唔同咗，見少咗個老婆同個女，多咗空間，但多咗爭執，亦都多咗好多好多無奈、無言。人到咗某個年紀，唔係無咗以前嘅衝勁，唔係向現實低頭，只係成熟咗知道能力有限有心無力，唯有得過且過。個炸彈未爆唔代表消失咗，我知，但我無能為力。

好開心今年係友誼大豐收。去咗真兄弟嘅婚禮，好開心見到班兄弟，感受到自己嘅存在。之後到佢哋嚟探我，好開心好滿足，真兄弟。

某日嘅微博我終於突然如釋重負，某日嘅whatsapp我打完電話後嘅自問同無比自責，某日tvb播嘅電影後見面時感覺到嘅不同，我終於明白時間令過去過去。係新嘅好嘅一頁。後尾先察覺可能被誤會，我已經可以一笑置之。相由心生，但原來我表情同所想係有絕對差別。唔同情景，同一表情背後隱藏嘅心意緊係唔同啦。

今年最鍾意聽“此時此刻”，其次係“最幸福的事”。電影最贊“春嬌與志明”。書最吸引係Financial Times Guides 嘅 “Lean”。

整體而言我2012某方面嘥咗好多精神，但係另一方面得到得著好多，始終都係豐收嘅一年。