奴性性格

一個又一個大頭佛，終於知道原來係個GM得罪兩方勢力人士所以個project先進展無期，而我由多過一個唔同嘅medium聽到個GM其實有心想瀉落我度幫佢善後兼揹鑊。美國班巨頭催到九彩但我其實又無辦法只可以企喺度，諗落唔得掂，惟有將所遭遇同聽到嘅send 封 email report俾美國班老細聽希望佢哋明白我真係做乜都無用，而又真係只有GM先可以解畫，更何況我只係個Engineer，所以要求step out of 呢啲人事關係。

第一個reply我嘅係個同我GM平起平坐但係喺蘇州就要report俾個GM嘅一個美國Director。佢用reply all第一句就叫同時收到我個email嘅人唔好forward出去，之後話好同情我嘅situation，同埋話理解兼同意我可以延長project所需嘅時間，仲會同啲高層反映，更加恩准我可以stay away from GM嗰篤蘇州屎。

第二個回應我嘅係我直屬上司，一個美籍華人。佢星期日打電話嚟話係 personal speaking，呢啲嘢係唔可以black & white，個GM始終都係我老細個老細(但其實係我老細個老細個老細)，呢啲嘢可以講但係就唔可以寫出嚟。我好明白佢嘅善意提醒，因爲爆出去以GM個格我肯定不得好死，但係其實我之前都有諗過呢個possible outcome，只不過反正係唔係都死，我寧願死得清白。

我可能太直又無官場經驗，只係識得以自己角度去衡量件事對公司嘅利與弊，所以有時會攪到自挖墳墓。但係我覺得有時如果真係為咗唔得罪上面而認氣吞聲知錯犯錯，第一我過唔到自己嗰關，第二又會影響唔止我一個，所以我寧可博俾人燉都好過件事萬一爆起上嚟死得仲慘。更何況一世人唔會同同一間公司做人世，所以覺得無需要下下做奴隸獸。

Being sandwiched

公司有個增設設備嘅project，本來一直都係由我老細handle開，但係佢始終都唔係長駐蘇州，所以佢上次臨走前就叫我follow up，以後由我揸旗。但係佢無交帶清楚就走，而個project又無跟足procedure嚟做，結果一波多折。先係唔夠budget俾finance同GM彈返轉頭，之後將個project斬件縮皮，但係就無可避免攪亂咗先後次序，咁嘅情況下都仲叫我照去搵GM簽字。諗深一層又係，再拖一定出事，無辦法明知有問題都兵行險仗頂硬上，結果就俾GM發現省鑊甘兼閙無腦。鬼唔知係屎咩? 送到嚟無計咪一樣要食… GM玩嘢唔肯簽，話要搵佢老細簽完先再搵佢簽，結果嗱嗱啉fax去美國搵Division VP簽名再挪返嚟俾佢簽，佢老人家心情唔好要簽足3日先俾返我，到手嗰時美國嗰邊已經催到七彩。因爲斬咗件，所以簽名個process做完一次又一次，一樣咁PK。好啦，公司呢邊正式批啦，可以同個contractor簽contract啦，結果我老細同個contractor傾嗰啲payment terms同公司大中華區合同嘅policy有衝突，個contractor唔接受我哋最後set嘅payment terms，仲威脅要拖長lead time。鬼唔知佢耍手段，但係得佢一個contractor喺手可以點? 個Division VP又催到九彩，結果同個buyer一齊同個contractor討價還價，對方最後作出最終讓步俾個best offer 我哋，我嗱嗱啉拎入去俾個GM過目，結果佢又發老皮話呢樣唔妥嗰樣唔妥，俾嗮面色我睇，我頂佢唔順還返佢一句"Do we have a choice?"，佢即刻加重語氣話唔想被逼而簽。嘩! 好似我唔係被逼咁，如果一開始有involve我都唔駛咁PK啦。跟返procedure做嘢都得，但係時間唔容許嘛，現實啲啦! 佢黑面發癲，我都懶理佢順其自然俾返面色佢睇。星期五留低加班搵齊GM要嘅嘢入去再搵佢，佢終於心服，話佢係會簽，但要同finance傾睇下有無enough cashflow 喎。

今次正好應驗前Financial Controller嗰句："班upper management一人有一個夢想。"

我明白個GM無錯，但係如果凈係識得挑剔而唔同下面合作只會累事、打擊士氣兼事倍工半。難怪自佢上台後先後有6個managers離開。今次我會take this experience positively，以後teamwork時識得realistic啲同分輕重，睇大局而行事。

In Shanghai alone...

終於揀到

千挑萬揀，今日終於俾我喺MUJI揀到對鞋。

我唔係要求高；只不過有要求。

諷刺

以前要搵Forever Friends 嘅嘢好難，曾經以爲佢會絕跡，點知依家周圍都見到佢，只可惜已再無需要佢嘅機會...