(偽)完美男 v 乾物女

好似無頭無尾，但《瑩之光2》真係好好睇，又係嗰句，感同身受。

越睇越似我哋兩個。都係年齡差一大截，都係男嘅經歷多啲，思維超老餅性格又古縮，做乜都要有理由又規規矩矩；女嘅年少無知唔識世界，無嘢做就喺屋企hea爆“不拘小節”，喺埋一齊真係爆過啲處境劇。

其實兩個嚟自唔同世界嘅人喺埋一齊相處真係好唔容易，遷就忍讓係唔夠嘅，要忍耐理解包容同接受，有時仲要狠下心腸改變對方，而且無時無刻兩個都要對前景充滿希望，缺一不可。咁樣磨合之下好自然越變越似對方，形成第三個世界。

面對過去嘅問題，唔可能否認，但只要唔主動撩起，都可保平安。

面對外來衝擊，我諗我除咗會好似部長咁隨之而安，都會檢討過失盡力做好我自己，證明相比之下始終都係我好啲。

點都好，大前提都係想對方開心啲，一齊生活幸福啲。其實抱住咁嘅心態，無嘢係唔可能。就好似阿太以前食嘢超重味，但依家鹹啲都出聲；我以前出門前一定set埋個頭，但係阿太唔鍾意依家咪又係日日連頭都唔駛梳。

唔知如果有第3集呢對會有咩嘢玩呢? 會唔會好似我啲依家咁呢? 哈哈。

充實

很開心可以這麼無拘無束地在家很平凡地過了一個很充實的週末。平日工作壓力大，又經常仆嚟仆去，有時趕去上堂之後又做功課到天明，很難得可以這麼悠然自得在家略盡丈夫、父親的責任。能這樣抽點時間和女兒玩玩，吃過飯後替老婆洗碗，這些再平常不過的小事可令我生活變得有意義，心境平伏精神恢復過來。其實仁生何求? 只不過是要做這溫馨小家的一個成員。

Stupid ME

Learnt something useful from Marketing workshop today - HOW TO SHOW AND PROOF THE QUALITY OF YOUR PRODUCT?

The first thing came to my mind is scientific data, test, report, then approval from authorities... BUT..

NO.

Just simply give your customer to try and experience it. THAT'S IT!

抖一抖

忙裡偷閒，最近睇咗兩套movies，都有Fiona。

我唔係偏見蟲仔而唔鍾意成套戲，個flow我都ok，但上次“早熟”已經好牽強，今次“分手說愛你”仲離譜。我鍾意director個style，結尾兜返啲details，但係到最後兩個都放唔低，Fiona返轉頭，但又唔交待，淨係見到鄧健泓嗰pair複合，唔通真係breakupclub.asia攪鬼咩，我唔buy。

反而鍾意“人間喜劇”，唔似“分手說愛你”包裝到好正經(起碼個名係，但係裡面癲到...)，擺明玩嘢就玩嘢，但係彈句“如果鍾意一個女人，就唔好理佢精神有無問題，因為鍾意一個人嗰陣，精神已經係有問題”。好正，so true…

鍾意呢類型有message嘅戲，但係真係睇少見少，前排嘅“親密”都好正，唔知幾時先有套好似“每當變幻時”咁classic…