二世祖

睇過一篇訪問，印象好深，因為被訪問嗰個都係喺父蔭下長大讀完書後入爸爸公司工作。佢話做一個二世祖其實好有學問同技巧，精要係點樣"日日過日晨"但係又唔敗嗮屋企啲家產攪到要踎街。雖然聽起嚟好笑，但係我絕對可以理解佢呢句話嘅真諦 - 守業係難；但係攪作唔衰得仲難。

我自問到呢一刻仲未幫屋企慳過或賺過一分錢，但係由返嚟到依家就不斷係咁使錢。作為IE有好多諗頭，但係因為起頭難又衰唔起，所以唯有一步一步慢慢嚟，行動同成績都變相不知不覺，攪到人哋以為我日日都無貢獻無所事事過日晨。

其實都預咗，無話介唔介意，反正都係二世祖一個。係好係壞依家未知，希望加以時日我呢個二世祖可以positively做到啲嘢有所作為。