定居蘇州

舞龍舞鳳咗幾日，最後由Plant Manager出面，終於都係"揀"番公司幫我哋搵嘅嗰間Apartment，仲喺決定之後嘅第三日搬咗入去，之後呢幾日放工之後都出去四圍撲日用品。我同我啲同事/朋友咁樣買嘢，突然覺得好似兩個Nana搬入707嗰時咁。

唔知好彩定唔好彩我抽中咗間主人房，係全屋最大，不過就大而無當；相反全屋最細間房反而最實用。相比之下我依家呢度間房雖然無Pittsburgh間房咁大，但係始終都係新樓同埋就喺間大過Walmart嘅Supermarket隔離，所以生活係好咗。但係就出奇地發現呢度嘅生活指數in general都拍得住香港，啲國產嘢喺呢度有時仲貴過香港，而質地更加無用置疑係國產級質數，對比喺上嚟美國啲價格仲平過呢度多多聲。我真係好想知道呢度啲人平時點生活。