20年後終於帶咗老婆、阿女返PennState. 喺之前仲stay NYC老唐，食埋利口福(當然係 揚州炒飯 + 肉絲炒麵 + 豉油雞)，去埋Grand Central, Times Square, Liberty, 上埋Empire State (黃昏到入夜). 無心路過Washington DC, Hershey 同Tanger Outlet. 嗰幾日，其實我都幾心急想快啲返到PennState.
到Beaver Stadium嗰刻我真係眼淚都流埋，咽哽，終於。Old Main, Nittany Lion Shrine, BJC, Stuart, Beaver, Haller, Simmons, HUB, East 同 Pollock Commons, Forum, McLanahan's, 重頭緊係Leonhard，仲好好彩可以遠距離先聽到後見到Dr. DeMeter，仲可以喺Fame Lab上高影返落去，好夢幻，但係全部都係真嘅。嗰幾日真係好開心，真心唔捨得走。
食緊係要食Waffle Shop同Creamery, 無可代替。East 同Pollock Commons變嗮，唔好食。當然有去Olive Garden, 嗰餐絕對無可挑剔。
臨走都要去多次Beaver Stadium打卡，好唔捨得走。去到Pittsburgh，其實真係無咩地方可以去，上咗Mt. Washington, 係咁先。
次次經Chicago都無好嘢，飛去delay，transit得20-30min不過跨terminals，CLS. 預咗行李跟唔到，到Tokyo竟然又有，so amazing!!!
落機即刻去Diver, 直衝Gundam Base, dinner食food court 再同Unicorn 打卡。
到日本第二日一早就去一番街，之後貪近諗住先落Akihabara再去Ginza，點知已經買太多，再加埋原來一早Russia大地震會有海嘯，費事累家人擔心返酒店瞓。但咁世界大事我哋又乜事都無，so amazing~
第三日先去湯島神社再去池袋，阿女book唔到無得入痴膠花park，不過都有去Sanrio Cafe。嗰晚簡單去Seibu 個supermarket買dinner返酒店食。
第四日係Shinjuku + Ginza, dinner又係落supermarket買返酒店食，今次係Uniqlo Ginza basement嗰間。
最後一日好hea，淺草雷門 + 路經Akihabara (淨係Bic Cam, Yodobashi 同Muji) + Bon Odori @ Tsukiji Hongan-ji Temple.
走係8:30機，一早拖住4大luggages + 2 大baggages 各約22-23 kgs另加2個hand carry同我個有cam有laptop 有ipad嘅超重背囊。返到香港好彩有gogoVan.
就咁樣就過咗一程，等咗足足20年嘅一程。
返到嚟聽到公司突然出咗部新Toyota 7人白色車，係無budget去出嘅!? 然後老豆話要自己出部電車，仲唔amazing?
嗰個wkd應承咗話帶呢屆班Associates去CSL，嗰朝架車轉彎失控炒完我都夠膽即時離開現場返SSL照原定跟去CSL，嗰晚返到嚟先去交警報案(自首!?) 同搵人拖架車走，架車都搞足2個星期而我竟然大難不死仲唔amazing?
上年summer上富士山再喺Shibuya遇地震都大難不死；今年蝦碌再遇車禍又大難不死；又話大難不死必有後(艷)福，幾時先有呀!?~
