五

時代要一天天分薄你我未來　難得一起時別要放開

誰願意躋身於複雜裡精彩　只想與你簡單相愛

5日7地

原本係6日7地，因為第一日delay成10個鐘，變相無咗，最唔憤氣係東航呢間上市國企竟然咁無品，delay唔理乘客，無食無住兼management龜縮，連sorry都無句，真係Tamama...  起飛嗰時已經係凌晨4點幾，落機已經係6點半。

5日7地，第1日係南京，無瞓見完客都已經兩點幾，晏晝車上解決，食Subway，下晝去咗泰州，見完客天都黑齊，咁辛苦，獎勵大家食好啲，去咗一人一鍋。返到酒店，換完衫，落床我諗唔夠1分鐘已經昏睡。

第2日上晝喺泰州，晏晝又係車上解決，之後去咗常州，最後夜晚蘇州落腳。變咗好多，有地鐵，Sanmina出面係地盤，又有天橋，只有商業街日本放題食物不變，但係價錢double.

第3日終於定啲，但係個客老點，個address係另一個地方。下晝4點幾出發去杭州，呢日算係全程最輕kan...

第4日又嚟1日3地。嗰日April Fool，朝早第一個客當頭第一句就話揀咗第二間，當知competitor係邊個，送sample，話唔識用，打蛇隨棍上，之後問話有無時間，sorry要check，再firm。去到義烏，早到，嚇一跳，以為去咗中東Chinatown。見到個客，死口話應承過買蠟有機送，最終確定係點錯相，既然呢一刻無common ground，大家再考慮。之後出發去最終站紹興，真係整蠱，highway落嚟GPS話仲有10零km，但縱眼所見乜都無，心諗April  Fool都無咁大鑊jeh。漆黑一片沿路所見，有路有古式建築物，但無燈無人無車，直至
靠近酒店範圍先有返啲光，真係幾驚。搵嘢食，去到夜市，無，終於搵到餐館，夜晚8:10，
竟然拉閘趕客，心諗呢度咩地方嚟ga...

第5日原本以為要捉棋，點知一氣呵成，完滿結束。臨去機場驚delay重演，做好準備。點知應驗，好彩delay 3個鐘jeh。但返到廠時已經就嚟半夜12點。呼~