做仁難

我憎恨他人待我非真，但其實我何嘗不是總是戴著面具做人。最近Managerial Economics (ME)學到Game Embedded Strategy (GEMS)，才領會原來我每日對人對事就有如一個又一個的Game，而我日日做的planning可謂是Dark Strategy，都係有人家看不到的那張底牌… 這種攻心計的日子真夠辛苦；但不知要玩到幾時幾大先有得抖抖收手… 可能只要人有思想，再去同另一個思想有別的人相處，很自然已是一個Game。就算幾親幾近，除非是direct copy and replace，否則Game是無止境，無間地獄。

大嗮

心好唔舒服。

點解次次都唔可以直接講，都要隔山打牛? 點解一定係佢啱嗮我一定錯，次次淨係識得喺佢個level睇啲事，我哋喺下面照佢咁做唔仆直先奇，除非落場同人鬥玩，但係以後人地唔係怕咗我而係避之則吉，做到嘢但係做唔好嘢。話我係咪想屈死呢個position，唔好唔記得我咁behave都係多得佢打壓，開會搵我祭旗，未聽完先話我錯，我枝死人笛未吹都知漏氣。有無諗過我都有思維諗法，未到我講已經下冊3億，句句都係我不是，我一開口就話“依家教緊你”，次次咁，不如搵個撤線公仔，駛乜俾我出去留學又去讀MBA。如果真係咁掂，公司駛攪成咁，全公司最唔掂嘅都係直接report俾佢，到頭來咪又係姑息養奸，下下俾人落面俾人笑，有事搵佢嚟擋，嘥氣。算啦，反正商場無父子，我只不過係佢employee一名，佢親口講嘅。

明明係我屋企，但係我無嘢有say。我唔贊成，次次都以“我始終覺得...”，總之就係要我屈服。話我俾唔到信心，當然，倆個想法完全唔一樣，我唔buy佢嗰套，佢更唔buy我嗰套，各有各想法、做法，要同步、俾到信心，即係又要我去做撤線公仔。次次無去睇清楚件事，次次“我估都係”主觀揣測評論，大肆宣揚討論，之後我要逐一澄清解釋，咁樣食法我點頂?

公私都要俾人指手畫腳，活喺人地個影度，跟佢做又死，唔跟佢做就算掂都俾佢插死，咁攪法同死有咩分別?

好慶幸有啲嘢我堅持仲可以成功，理得啲冷諷熱譏，我自得其樂，就算只係自己嘅世界裡，都起碼死得眼閉。我點解要屈喺我自己世界，都係拜佢地大嗮。

不經意地懷念

http://community.webshots.com/user/mushaclub

Art 100的Final Project。久不久就會收到webshots發來有多少visits，一直沒心去理、去查看。今天讀書讀到差不多，無聊地開了來看，看了一下，感觸良多，希望有生之年能回State College一趟。其實最近連夢都發過；夢見帶著阿太、女王一齊返去... 真想那一天可以早點到來。