認宗排輩

原來我唔係“二世祖”，而係“廿二世祖”，仲要做埋“六叔”...

拾荒小王子

除咗嗰4張枱之外，我個Office裏面所有傢俬都係執返嚟。特別鳴謝以下各部門嘅慷慨捐獻:

總辦 for 4 張辦公凳；
1 廠工程部 for 2 個矮櫃；
2 廠工程部 for 圓枱 + 大白板；
原先8號樓2樓暫待過嘅部門 for 3 個垃圾桶。

除此之外我上次三更半夜帶支Mini Hack Saw落去9號樓裝修廢料嗰個垃圾堆執到條靚木鋸咗一截返嚟補我張牀嗰晚先有覺好瞓。(但係以當時喺空曠鋸木嘅噪音同引嚟嘅狗吠都無保安出現，真係...)

其實執到嘅都係一啲可以用但係又無人用嘅嘢，亦即係浪費。我會問，點解公司各部門有咁多浪費!? 無Control咩!?

原來除咗“二世祖”，我仲可以做“拾荒小王子”... Hahahahaha...

二世祖

睇過一篇訪問，印象好深，因為被訪問嗰個都係喺父蔭下長大讀完書後入爸爸公司工作。佢話做一個二世祖其實好有學問同技巧，精要係點樣"日日過日晨"但係又唔敗嗮屋企啲家產攪到要踎街。雖然聽起嚟好笑，但係我絕對可以理解佢呢句話嘅真諦 - 守業係難；但係攪作唔衰得仲難。

我自問到呢一刻仲未幫屋企慳過或賺過一分錢，但係由返嚟到依家就不斷係咁使錢。作為IE有好多諗頭，但係因為起頭難又衰唔起，所以唯有一步一步慢慢嚟，行動同成績都變相不知不覺，攪到人哋以為我日日都無貢獻無所事事過日晨。

其實都預咗，無話介唔介意，反正都係二世祖一個。係好係壞依家未知，希望加以時日我呢個二世祖可以positively做到啲嘢有所作為。

靜止的心

感覺很平靜。以前也試過，就好似按下按鈕，轉變的一刻是instant的。

是很多難忘回憶；是很多一生可能只得一次的經歷；但它們已在我腦海裏淡化，慢慢消逝。

和以前不一樣的是，這次並不是因為有replacement而淡忘。心裏很平靜；是真的沒有去想，抑壓不去想，沒什麼好想，不懂怎樣去想，還是已經不知道要想?

可能已經invalid了，但不是expired，因為不可能有限期。

但可怕的是，我真的delete了... 我竟然做出... 是有理由的，但這我真的可以接受嗎?

可能我的心真的靜如止水；是時候找人幫我做Cardiac Massage...