DISC

前日，我上咗個DISC嘅training。尋日我做咗個formal嘅test。

第一次接觸DISC時有種返咗去20年前玩心理測驗嘅感覺。但係今次目的好唔同，唔係八掛，係因為我有啲亂，感覺呢10年做嘅嘢同自己以為、認為、內心所想都有矛盾。我真係好想知自己真正嘅“一面” - 內在嘅、外在嘅、環境下嘅。

其實我做咗兩次tests。第一次係抱住試下嘅心情心態，上網做咗個free trial。好似幾準wor，不過我個I...  好，都係做返真正嗰個啦。我個I真係。

個test result shown，雖然我自己解析唔到，但係喺“自我”角度，我覺得好似。D-C-S都唔低。“本我”原來我自己調低咗S好多，但係關我呢10年嘅反常咩事...?  err，無關...?  但其實諗深啲，又好似係。係工作環境改變我?  定係因為現實生活有違本心所以我無得甘於安逸?  咁我可以點，之後又點?

成份報告我未細心細讀，只係睇咗重點嘅，不過我真係反思咗好多。咁之後呢?  調整?  適應?  突然好想好奢侈想改變生活，推倒重來。可惜，得咩?

止水上嘅2018

2018年過得好似好平平無奇，都係咁就過咗一年，但諗深一層，睇真啲，其實真係一啲都唔平淡。

阿女第一次大病到要入醫院，肺炎仲要有陰影，嗰一刻真係好驚。喺養和見到佢無嗮氣個樣心真係好痛。真係好好彩，最後都冇事。

年頭嘅兩個決定，年中嗰個action(仲要有手尾)，始終問心有愧，畢生唔會磨滅。好多時，自己孤身一人，靜落嚟，真係唔識面對自己。

今年我返工，工作同之前嘅、同期望預期嘅，都好唔同；今年對我嚟講都係做埋啲無意義嘅嘢。Associate final interview個management game，GBB要我趕餐死翻譯仲要大龍鳳去present啲我不屑嘅低能IE嘢，CU嘅無間19層地獄，PACE嘅無理取鬧reboot又reboot再reboot安排，Translation同Training嘅人如輪轉。作為一個R.P.E，做埋呢啲嘅嘢，真係哀莫大於心死。

不過好好彩，我把握機會今年攞埋最後一個要攞嘅Black Belt，終於完成當年畢業對自己許下嘅承諾，係遲咗，不過遲總好過冇，我終於係一個註冊有專業資格，連埋MBA同Six Sigma Black Belt嘅IE。

而一八年其實我都上咗堂仁生哲學課。唔好奢望身邊人對你好，對對方千祈咪有遐想，要識愛自己錫自己，咪扮好仁最好嘅都留嗮俾珍惜嘅人。所以雖然2018係不知所謂，失去比得到多，但始終埋數都係有得著。

雖則貌似止水平鏡，只不過係波濤翻滾後不留漣漪罷已。​​​​